اسلام آباد،27 دسمبر (اے پی پی ): محکمہ موسمیات کے مطابق آج بروز بدھ ملک کے بیشتر علاقوں میں موسم سرد اور خشک جبکہ شمالی علاقوں اورشمالی بلوچستان میں شدید سرد رہے گا۔ پنجاب اور خیبر پختونخوا کے بیشتر میدانی علاقوں اور بالائی سندھ میں رات کے اوقات میں دھند اور سموگ چھائے رہنے کا بھی امکان ہے۔
محکمہ موسمیات نے کل بروز جمعرات ملک کے بیشتر علاقوں میں سرد اور خشک جبکہ شمالی علاقوں اورشمالی بلوچستان میں شدید سرد موسم کی پیشنگوئی کی ہے ۔ جبکہ پنجاب ،خیبر پختونخوا کے میدانی علاقوں اور بالائی سندھ میں صبح اور رات کے اوقات میں دھند اور سموگ چھائے رہنے اور کشمیر میں صبح کے اوقات میں بعض مقامات پر کہرا پڑنے کا امکان ہے ۔
گذشتہ 24 گھنٹوں کے دوران بھی ملک کےبیشتر علاقوں میں موسم سرد اور خشک جبکہ شمالی علاقوں میں شدید سردرہا۔
آج ریکارڈ کیے گئے کم سے کم درجہ حرارت : اسکردو، لہہ منفی09 ، کالام منفی 05، گوپس، گلگت منفی04، ہنزہ ،استور، قلات، زیارت اور سری نگر میں منفی 03ڈگری سینٹی گریڈ ریکارڈ کیا گیا۔
