اسلام آباد ،12 دسمبر(اے پی پی):آئندہ چوبیس گھنٹوں کے دوران ملک کے بیشتر میدانی علاقوں میں موسم سرد اور خشک جبکہ شمالی اضلاع میں شدید سرد اور مطلع جزوی ابر آلودرہے گا ۔ پنجاب، خیبر پختونخوا کے میدانی علاقوں اور بالائی سندھ میں رات کے اوقات میں سموگ / دھند چھائے رہنے کا امکان ہے ۔ مغربی بلوچستان میں بھی مطلع جزوی ابر آلود رہنے کا امکان ہے۔
گزشتہ 24 گھنٹے کا موسم ملک کےبیشتر علاقوں میں موسم سرد اور خشک رہا جبکہ شمالی علاقوں میں شدید سرد رہا۔
آج ریکارڈ کیے گئے کم سے کم درجہ حرارت کے مطابق لہہ میں منفی 08،اسکردو منفی 06،گوپس، قلات، کالام منفی 05، گلگت منفی 04اور دیر میں منفی 03 ڈگری سینٹی گریڈ ریکارڈ کیا گیا۔
