اسلام آباد،26دسمبر (اے پی پی):نگران وزیراعظم انوار الحق کاکڑ نے کہا ہے کہ پاکستان چین کے ساتھ اپنے برادرانہ تعلقات کو نئی بلندیوں پر لے جانے کے لئے پر عزم ہے ۔
ان خیالات کا اظہار انہوں نے منگل کو یہاں چین میں پاکستان کے نئے سفیر خلیل ہاشمی سے ملاقات میں گفتگو کرتے ہوئے کیا ۔
وزیراعظم نے نئی ذمہ داریاں ملنے پر خلیل ہاشمی کے لیے نیک خواہشات کا اظہار کیا، چین کے لیے تعینات ہونے والے نئے سفیر خلیل ہاشمی نے پاک چین تعلقات کے حوالے سے وزیراعظم سے رہنمائی حاصل کی۔
نگران وزیراعظم نے اس امید کا اظہار کیا کہ خلیل ہاشمی چین اور پاکستان کے تعلقات کو مزید مستحکم بنانے کے لیے اپنا فعال کردار ادا کریں گے۔
