اسلام آباد، 07 دسمبر(اے پی پی ): کنگ سلمان ریلیف سینٹر نے پاکستان میں 25000 ونٹر ریلیف پیکیج کی تقسیم کا عمل نیشنل ڈیزاسٹرمنیجمنٹ اتھارٹی، صوبائی ڈیزاسٹرمنیجمنٹ اتھارٹی، گلگت بلتستان ڈیزاسٹرمنیجمنٹ اتھارٹی، مقامی حکومتوں اور حیات فاؤنڈیشن کی مدد سے مکمل کرلیا ہے تاکہ مستحق افراد کو سخت سردى میں ریلیف میسر ہو۔
اس ونٹر پیکج کے تحت خیبرپختونخوا کے پانچ اضلاع ، بلوچستان کے چار اضلاع اور گلگت بلتستان کے تین اضلاع میں 25,000 ونٹر ریلیف پکیج تقسیم کئے گئے۔ ونٹر پیکیج میں 2 عدد لحاف ، مردانہ زنانہ گرم شالیں اور بچوں و بڑوں کے لیے گرم ملبوسات شامل بیں۔ جس سے مجموعی طور پر صوبہ خیبرپختونخوا ،بلوچستان اور گلگت بلتستان میں 1 لاکھ 75 ہزار سے زائد افراد مستفید ہوئے۔
