اسلام آباد،04 جنوری(اے پی پی):رواں ہفتے کے دوران اسلام آباد سمیت پنجاب ، خیبر پختونخوا اور بالائی سندھ کے میدانی علاقے شدید دھندکی لپیٹ میں رہیں گے، محکمہ موسمیات نے شہریوں کو محتاط رہنے کی ہدایت کی ہے۔
جمعرات کو ملک کے بیشتر علاقوں میں موسم سرد اور خشک جبکہ شمالی علاقوں میں شدید سرد رہے گا ۔ اسلام آباد سمیت پنجاب، بالائی سندھ اور خیبر پختونخواکے میدانی علاقوں میں شدید دھند/ سموگ چھائے رہے گی۔ بلوچستان کے بیشتر اضلاع میں مطلع ابر آلود رہنے کے ساتھ بارش/پہاڑوں پر برفباری کا امکان ہے۔
جمعه کو ملک کے بیشترعلاقوں میں موسم سرد اور خشک جبکہ شمالی علاقوں میں شدید سرد رہے گا ۔ اسلام آباد سمیت پنجاب، بالائی سندھ اور خیبر پختونخواکے میدانی علاقوں میں شدید دھند/ سموگ چھائے رہے گی۔ بلوچستان کے بیشتر اضلاع جبکہ گلگت بلتستان میں چند مقامات پر مطلع ابر آلود رہنے کے ساتھ بارش/پہاڑوں پر برفباری کا امکان ہے۔
گزشتہ 24 گھنٹوں کے دوران ملک کےبیشترعلاقوں میں موسم سرد اورخشک جبکہ شمالی علاقوں اور شمالی بلوچستان میں شدید سرد رہا۔ اسلام آباد سمیت پنجاب ،خیبر پختونخوا اوربالائی سندھ کے میدانی علاقے شدید دھند /سمو گ کی لپیٹ میں رہے، تاہم گوادر میں 01 ملی میٹر بارش ریکارڈ ہوئی۔
آج ریکارڈ کیے گئے کم سے کم درجہ حرارت کے مطابق لہہ میں منفی 11 ،اسکردومنفی 10،کالام ،گوپس ،گلگت، استورمنفی 05،سری نگر منفی 04، راوالاکوٹ اورہنزہ میں منفی 03ڈگری سینٹی گریڈ ریکارڈ کیا گیا۔
