راولپنڈی،24 جنوری (اے پی پی ): ممبر ان لینڈ ریونیو آپریشنز میر بادشاہ خان وزیر کی ہدایت اور چیف کمشنر ریجنل ٹیکس آفس راولپنڈی کی زیر نگرانی جھنگی سیداں کے علاقہ میں جعلی سگریٹ بنانے والی فیکٹری سیل کردی گئی ۔ ایڈیشنل کمشنر ہیڈکوارٹر ریاض خان کی سربراہی میں اسسٹنٹ ڈائریکٹر شجاعت خان اور اُن کی ٹیم نے جھنگی سیداں پشاور روڈ پر جعلی سگریٹ بنانیوالی فیکٹری پر چھاپہ مارا۔ ریجنل ٹیکس آفس راولپنڈی کے عملہ نے کروڑوں روپے کی مشینری اور جعلی سگریٹ برآمد کرکے فیکٹری سیل کر دی۔مذکورہ فیکٹری ایک عمارت کی بیسمنٹ میں خفیہ طریقے سے بنائی گئی تھی جہاں مختلف برانڈز کے سگریٹ جعلی طور پر تیار کئے جا رہے تھے اور پاکستان بھر میں سپلائی کئے جا رہے تھے۔
