لاہور ،16 جنوری( اے پی پی ):نگران صوبائی وزیر ابراہیم حسن مراد کا میو ہسپتال کا دورہ ہسپتال میں جاری اپ گریڈیشن کے کاموں کا جائزہ لیا ۔ابراہیم حسن مراد نے ایمرجنسی بلاک کے اپ گریڈیشن کے کاموں کا بھی معائنہ کیا اور تینوں شفٹوں میں کام کرنیوالے مزدوروں کی حاضری چیک کی۔صوبائی وزیر ٹرانسپورٹ نے ٹائلز کی کوالٹی چیک کی اور کہا کہ کوالٹی پر کوئی سمجھوتہ نہیں کیا جاسکتا۔عوامی منصوبوں کی بروقت تکمیل ممکن بنا رہے ہیں ۔ متعلقہ انتظامیہ نے اپ گریڈیشن بارے پیشرفت پر بریفنگ کے دوران بتایا کہ اپ گریڈیشن کا کام 92 فیصد تک مکمل ہوچکا ہے ۔امید ہے 30 جنوری تک تمام کام مکمل ہوجائے گا ۔ صوبائی وزیر نے فنشنگ ورک کو جلد مکمل کرنے کی ہدایت کی اور کہا کہ کام کی رفتار کے ساتھ معیار بھی برقرار رکھا جائے ۔
