لاہور،17 جنوری (اے پی پی):نگران وزیر اعلیٰ پنجاب محسن نقوی نے لاہور رنگ روڈ سدرن لوپ تھری پراجیکٹ کا تفصیلی دورہ کیا۔ مراکہ ملتان روڈ سے اڈہ پلاٹ تک 8 کلو میٹر طویل پورے روٹ کا معائنہ کیا، اسفالٹ کے کام کا جائزہ لیا اور مزدوروں سے مصافحہ کیا ۔
وزیر اعلی محسن نقوی نے اسفالٹ کا درجہ حرارت چیک کیا اور دیواروں کی تعمیر کے کام کو چیک کیا اور اسفالٹ کے کام کو تیز کرنے کا حکم دیتے ہوئے کہا کہ وسائل بڑھائے جائیں تاکہ منصوبہ وقت پر مکمل ہو سکے ،8 کلو میٹر طویل سدرن لوپ پراجیکٹ کو ٹریفک کیلئے جلد کھول دیا جائے گا۔انہوں نے کہا کہ پنجاب حکومت کی پوری ٹیم کی سپورٹ آپ کے ساتھ ہے۔پوری امید ہے کہ اس منصوبے کو جلد از جلد مکمل کر لیا جائے گا۔منصوبے پر کام کی رفتار تیز کرنے کیلئے صوبائی وزیر بلال افضل ، سیکرٹری تعمیرات و مواصلات کو ہدایات کی اور ایف ڈبلیو او کے حکام نے پراجیکٹ پر ہونے والی پیشرفت کا جائزہ لیا۔
وزیر اعلی کو بریفنگ کے دوران بتایا گیا کہ 8 مین سٹرکچرز میں سے 6 مکمل جبکہ 20 چھوٹے سٹرکچرز تمام مکمل کر لئے گئے ہیں۔ منصوبے کا مجموعی طور پر 70 فیصد کام مکمل ہو چکا ہے۔
صوبائی وزراء اظفر علی ناصر، بلال افضل،سیکرٹری تعمیرات و مواصلات،سیکرٹری اطلاعات،کمشنر لاہورو ڈی جی ایل ڈی اے، چیئرمین لاہور رنگ روڈ اتھارٹی، ایم ڈی نیسپاک، پراجیکٹ ڈائریکٹر لیسکواورایف ڈبلیو او کے حکام بھی اس موقع پر موجود تھے۔
