لاہور، 31 جنوری (اے پی پی): وزیر اعلیٰ پنجاب محسن نقوی نے گجومتہ تا قصور 33کلومیٹر سڑک کی تعمیر و بحالی کے پراجیکٹ کا افتتاح کردیا۔ لاہور تا قصور 33 کلو میٹر دو رویہ سڑک ریکارڈ مدت میں مکمل کی جس سے 250 ملین روپے کی بچت بھی کی گئی۔
وزیراعلیٰ پنجاب محسن نقوی نے کہا کہ گجومتہ تا قصور کی تعمیر ومرمت کے ساتھ توسیع بھی کی گئی ہے اور شفاف ٹینڈرنگ کے ذریعے 250 ملین روپے کی بچت بھی کی گئی ہے۔
وزیراعلیٰ پنجاب نے کہا کہ گجومتہ تا قصور دونوں اطراف میں دو رویہ سڑکیں بنائی گئی ہیں جس سے ٹریفک کی روانی میں بہتری آئے گی۔ صوبائی وزراء عامر میر بلال افضل، کمشنر لاہور،سیکرٹری تعمیرات و مواصلات اور دیگر متعلقہ حکام بھی موجود تھے۔
