اسلام آباد،3 جنوری( اے پی پی): پاکستان اسٹاک ایکسچینج میں آج بدھ کے دن کاروبار میں مثبت رجحان دیکھنے میں آیا اور 100 انڈیکس 297 پوائنٹس کے اضافے کے ساتھ گزشتہ روز کے 64,349 پوائنٹس کے مقابلے میں0.46 فیصد کے اضافے کے ساتھ 64,646 پوائنٹس پر بند ہوا۔
آج مارکیٹ میں کل 366 کمپنیوں نے کاروبار میں حصہ لیا جن میں سے 190 کمپنیوں نے حصص کی قیمتوں میں اضافہ 159 کی قیمتوں میں کمی جبکہ 17کمپنیوں نے حصص کی قیمتوں میں کوئی تبدیلی نہیں ہوئی۔
آج سب سے زیادہ اضافہ پاکستان ٹوبیکو کمپنی اور ہوچسٹ پاکستان لمیٹڈ کے شیئر زکی قیمتوں میں ہوا جبکہ سب سے زیادہ کمی پاکستان سروسز لمیٹڈ اور کولگیٹ پالمولوکے شیئرز کی قیمتوں میں ہوئی۔ کاروبار کے لحاظ سے آج کے۔الیکٹرک، پی ٹی سی ایل اور پاک ریفائنری سرفہرست رہے۔
