اسلام آباد، 08 فروری (اے پی پی ): نگران وزیر داخلہ ڈاکٹر گوہر اعجاز نے کہا ہے کہ ملک بھر میں پولنگ کا عمل خوش اسلوبی سے جاری ہے، پولنگ کے عمل کی کڑی نگرانی جاری ہے۔
ان خیالات کا اظہار انہوں نے سربراہ کامن ویلتھ کے آبزرور مشن ڈاکٹر گڈ لک جوناتھن کے ہمراہ وزارت داخلہ میں قائم کنٹرول روم، سیف سٹی اسلام آباد اور پولنگ اسٹیشن کے دورے کے بعد میڈیا بریفنگ میں کیا۔
نگران وزیر داخلہ ڈاکٹر گوہر اعجاز نے کہا کہ ملک بھر میں پولنگ کا عمل خوش اسلوبی سے جاری ہے۔انہوں نے کہا کہ کسی کو قانون ہاتھ میں لینے کی اجازت نہیں دی جائے گی، امید ہے ملک بھر میں انتخابات کا عمل پر امن طریقے سے مکمل ہو گا۔
