اسلام آباد،27 فروری(اے پی پی):منگل کے روز ملک کے بیشتر علاقوں میں موسم سرد اورخشک جبکہ شمالی علاقوں میں شدید سرد رہے گا۔ تاہم شمالی اور جنوب مغربی بلوچستان، گلگت بلتستان میں مطلع جزوی ابر آلود رہنے کے علاوہ چند مقامات پر تیز ہواؤں گرج چمک کے ساتھ ہلکی بارش اور پہاڑوں پر برفباری کا امکان ہے۔
گزشتہ چوبیس گھنٹوں کے دوران بھی ملک کے بیشتر علاقوں میں موسم سرد اور مطلع ابر آلود رہا تاہم بلوچستان ، سندھ، خیبر پختونخوا اور پنجاب میں گرج چمک کے ساتھ بارش اور پہاڑوں پر برفباری ہوئی۔
سب سے زیادہ بارش: گوادر 58،جیکب آباد 26 کوئٹہ 21، دالبندین،پاراچنار 17، خضدار 12، تربت 06، ژوب،خیرپور 04، پسنی،رحیم یار خان،سکھر 03، قلات، پنجگور 02 جبکہ کوٹ ادو میں 01ملی میٹر بارش ریکارڈ ہوئی جبکہ زیارت میں 02 اوراسکردو0.4 انچ برفباری ریکارڈ کی گئی۔
آج ریکارڈ کیے گئے کم سے کم درجہ حرارت کے مطابق لہہ میں منفی 10، کالام منفی 07، استور منفی 06، گوپس، مالم جبہ منفی 04، اسکردو، ہنزہ منفی 03 اور بگروٹ میں منفی 02سینٹی گریڈ ریکارڈ کیا گیا۔
