اسلام آباد، 13 فروری (اے پی پی ):پاکستان سپر لیگ سیزن نو کے لیے تمام فرینچائز کی جانب سے کٹ لانچنگ کا آغاز کردیا گیا ہے ، پی ایس ایل ٹیم پشاور زلمی نے خصوصی “خیبر ایڈیشن” اوے کٹ لانچ کر دی۔
پشاور زلمی ہوم کٹ کی طرح او ے کٹ بھی سی جی ٹیکنالوجی کے ذریعے لانچ کی گئی ،اوے کٹ تاریخی اسلامیہ کالج پر لانچ کی۔پشاور زلمی نے ہوم کے بعد اوے پلئینگ کٹ بھی سی جی آئی ٹیکنالوجی کے زریعےمتعارف کرئی۔
پی ایس ایل کی خیبر ایڈیشن کٹس کو باب خیبر اور اسلامیہ کالج سے منسک کرنے کا مقصد خیبر پختونخواہ کی ثقافت کو دنیا بھر میں اجاگر کرنا ، اپنے فینز کا آنیوالے سیزن کے لیے جوش بڑھانا ہے اور ساتھ ہی آنیوالے سیزنز میں اپنے ہوم گراونڈ اور ہوم کراوڈ کے سامنے ان ایکشن ہونے کی خواہش کا اظہار بھی ہے۔
پشاورزلمی خیبرپختونخواہ اور ہوم سٹی پشاور اور اس کی روایت سے جڑی ہوئی اور خیبرایڈیشن پلئینگ ہوم اینڈ اوے اینڈ ٹریننگ کٹ، باب خیبر اور ارباب نیازاسٹیڈیم سے جوڑنا اسی جذبے کی عکاسی کرتا ہے اور ساتھ ہی اس عزم کا اظہار بھی ہے کہ پشاور زلمی اپنے ہوم گراونڈ ارباب نیاز میں اپنے جوشیلےفینز کے سامنے کھیلنے کے لیے بے تاب ہے۔
