کوئٹہ،27فروری(اے پی پی):نگراں وزیر اعلیٰ بلوچستان میر علی مردان خان ڈومکی نے منگل کو یہاں چیف منسٹر سیکرٹریٹ میں نئے تعمیر ہونے والے کیبنٹ ہال کا افتتاح کر دیا ہے۔
اس موقع پر سیکرٹری مواصلات و تعمیرات قمبر دشتی اور متعلقہ حکام نے نگراں وزیر اعلیٰ بلوچستان کو نئی تعمیر ہونے والی عمارت اور کیبنٹ ہال سے متعلق تفصیلی بریفنگ دی۔
نگراں وزیر اعلیٰ بلوچستان میر علی مردان خان ڈومکی نے کہا کہ سی ایم سیکرٹریٹ صوبے کا اہم انتظامی دفتر ہے جس میں نئی تعمیرات کا اضافہ انتظامی امور کی انجام دہی میں معاون ثابت ہوگا۔
نگراں وزیر اعلیٰ بلوچستان میر علی مردان خان ڈومکی نے نیو کیبنٹ ہال کے مختلف حصوں کا معائنہ کیا اور عمارت کا باقاعدہ افتتاح کیا۔
