اسلام آباد،یکم مارچ(اے پی پی):آئندہ چوبیس گھنٹوں کے دوران بلوچستان، خیبر پختونخوا ، سندھ،اسلام آباد، پنجاب، کشمیر اورگلگت بلتستان میں بیشترمقامات پر آندھی/جھکڑ چلنےاور گرج چمک کے ساتھ بارش اور پہاڑوں پر شدید برفباری کا امکان ہے۔اس دوران بلوچستان ، زیریں سندھ،خیبر پختونخوا،اسلام آباد، بالائی پنجاب ،کشمیر اور گلگت بلتستان میں کہیں کہیں پر موسلا دھار بارش/چند مقامات پر ژالہ باری کی توقع ہے۔
اگلے دو سے تین دنوں کے دوران گوادر، کیچ، تربت، پنجگور، آواران، بارکھان، کوہلو، سبی، نصیر آباد، دالبندین، خضدار اور ڈیرہ غازی خان جبکہ خیبرپختونخوا، کشمیر، مری، گلیات اور اسلام آباد/راولپنڈی میں موسلا دھار بارشوں کی پیشگوئی کی ہے، جس کے باعث برساتی/مقامی ندی نالوں میں طغیانی کا خدشہ بھی ہے۔
01اور02 مارچ کو مری، گلیات، ناران، کاغان، دیر، سوات، کوہستان، مانسہرہ، ایبٹ آباد، شانگلہ، استور، ہنزہ، اسکردو، وادی نیلم، باغ، پونچھ اور حویلی میں شدید بارش اور برفباری سے رابطہ سڑکیں بھی بند ہونے کا خدشہ ہے جبکہ اس دوران بالائی خیبر پختونخوا، مری، گلیات، کشمیر اور گلگت بلتستان میں لینڈسلائیڈنگ بھی ہو سکتی ہے۔
گذشتہ 24 گھنٹوں کے دوران ملک کے بیشتر علاقوں میں موسم سرد اور مطلع ابر آلود رہا۔ تاہم بلوچستان، خیبر پختونخوا، بالائی سندھ، پنجاب اور کشمیر میں تیز ہواؤں اور گرج چمک کے ساتھ بارش اور پہاڑوں پر برفباری ہوئی۔
سب سے زیادہ بارش قلات 53، خضدار 34، سبی 30، دالبندین 21، پارا چنار29،تربت 20، کوئٹہ 16، بارکھان، ژوب 15،چترال، کالام 14،پسنی چراٹ 12، مردان 05، اسلام آباد 03، راولپنڈی 03 جبکہ چکوال، سرگودھا 2 ملی میٹر بارش ریکارڈ ہوئی۔
کالام میں 6.5 اور مالم جبہ میں 03 انچ برفباری ریکارڈ ہوئی۔
آج ریکارڈ کیے گئے کم سے کم درجہ حرارت کے مطابق لہہ میں منفی 05، کا لام، گوپس منفی03،استور منفی 02،بگروٹ، ہنزہ، مالم جبہ اوراسکردو میں منفی01سینٹی گریڈ ریکارڈ کیا گیا۔
