بالائی خیبر پختونخوا، گلگت بلتستان اورکشمیر میں چند مقامات پر تیز ہواؤں اور گرج چمک کے ساتھ بارش کا امکان،محکمہ موسمیات

اسلام آباد،26 مارچ(اے پی پی): آئندہ چوبیس گھنٹوں کے دوران ملک کے بیشتر علاقوں میں موسم خشک اور مطلع جزوی ابر آلود رہے گا۔ تاہم شام/رات کے دوران بالائی خیبر پختونخوا، گلگت بلتستان اورکشمیر میں چند مقامات پر تیز ہواؤں اور گرج چمک کے ساتھ بارش کا امکان ہے،جنوبی پنجاب میں گردآلود ہوائیں/جھکڑ چل سکتی ہیں۔

گزشتہ 24 گھنٹوں کے دوران بھی ملک کےبیشتر علاقوں میں موسم خشک رہا،ریکارڈ کیے گئے زیادہ سے زیادہ درجہ حرارت  کے مطابق مٹھی،چھور 40، لسبیلہ 39، میرپور خاص،ٹنڈو جام، ٹھٹھہ اور تربت میں 38ڈگری سینٹی گریڈ ریکارڈ کیا گیا۔