اسلام آباد،7مارچ (اے پی پی):پاکستان کبڈی فیڈریشن کے زیر اہتمام سرسبزنیشنل کبڈی چیمپئن شپ میں پاکستان ائیر فورس اور پاکستان آرمی نے اپنے اپنے میچز جیت لئے۔ اس موقع پر پاکستان کبڈی فیڈریشن کے سیکرٹری جنرل رانا محمد سرور کے علاوہ شائقین کی کثیر تعداد بھی موجود تھی۔گزشتہ روز جناح سٹیڈیم اسلام آباد میں کھیلے گئے پہلے میچ میں پاکستان آرمی نے ہائر ایجوکیشن کمیشن کو 32-50 پوائنٹس سے ہرا دیا جبکہ دوسرے میچ میں پاکستان ائیر فورس نے پاکستان واپڈا کو ایک سخت مقابلے کے بعد 40-42 سے ہرا دیا۔
چیمپئن شپ کا فائنل میچ پاکستان واپڈا اور پاکستان ائیر فورس کی ٹیموں کے درمیان کھیلا جائے گا جبکہ تیسری پوزیشن کے میچ میں پاکستان آرمی اور ہائیر ایجوکیشن کمیشن کی ٹیمیں مدمقابل ہوں گی۔ چیمپئن شپ کی سپر لیگ میں چار ٹیمیں حصہ لے رہی ہیں جن میں پاکستان ائیر فورس، پاکستان آرمی، پاکستان واپڈا اور ہائر ایجوکیشن کمیشن کی ٹیمیں شامل ہیں۔
