پشاور، یکم مارچ(اے پی پی):علی امین گنڈا پور وزیراعلیٰ خیبرپختونخوا منتخب ہوگئے، کےپی اسمبلی کے اراکین نے علی امین گنڈاپور کو وزیراعلی بننے پر مبارکباد پیش کی۔
تفصیلات کے مطابق قائد ایوان کے انتخاب کیلئے خیبرپختونخوا اسمبلی کا اجلاس ہوا، اجلاس کی صدارت اسپیکر بابر سلیم نے کی۔کے پی اسمبلی میں قائد عوام کے انتخاب کا عمل مکمل ہوا اور علی امین گنڈا پور وزیراعلیٰ خیبرپختونخوا منتخب ہوگئے۔اسپیکر کے پی اسمبلی کی جانب سے باضابطہ اعلان کرتے ہوئے بتایا کہ علی امین گنڈاپور وزیراعلیٰ کے پی کے عہدے کیلئے کامیاب قرار پائے ، قائد ایوان کیلئے ایم پی اے علی امین گنڈاپور کو 90 ووٹ ملے جبکہ عباداللہ خان نے 16ووٹ حاصل کئے۔
بابر سلیم نے اراکین اسمبلی کو اپنی نشستوں پر بیٹھے کی درخواست کی، کے پی اسمبلی کے اراکین کی علی امین گنڈاپور 7کو مبارکباد دی۔کے پی اسمبلی میں جمعیت علماءاسلام نے اسپیکر،ڈپٹی اسپیکر کے انتخابی عمل کا بائیکاٹ کیا ، جے یوآئی کی رکن صوبائی اسمبلی شاہدہ اختر علی نے گفتگو کرتے ہوئے کہا کہ ہماری جو حکمت عملی ہے وہ واضح ہے۔
