لاہور 13, مارچ(اے پی پی): سینئر منسٹر پنجاب مریم اورنگ زیب کی زیرصدارت اہم اجلاس منعقد ہوا جس میں وزیراعلیٰ پنجاب مریم نواز شریف کی ہدایت پر فضائی آلودگی کا موجب بننے والی فیکٹریوں کے خلاف سخت کارروائی کا فیصلہ کیا گیا۔سینئر منسٹر پنجاب نے مریم نواز شریف کے ویژن کے مطابق بہتر ائیر کوالٹی انڈیکس کے لیے بھٹہ انڈسٹریل سسٹم ڈیجٹلائز کرنے کا حکم دیا۔انھوں نے کہا کہ مریم نواز شریف انسداد سموگ کے لیے گراس روٹ لیول پر عملی طورپرنہایت سنجیدہ ہیں۔ اجلاس میں وزیراعلیٰ پنجاب کی عملی سوچ کے تحت پنجاب کے ڈویژنل انڈسٹریل زونز میں ایمشن کنٹرولر لگانے اور مانیٹرنگ کے لیے تین ماہ کی ٹائم لائن مقرر کی گئی۔سینئر صوبائی وزیر نے کہا کہ مریم نواز شریف کے مطابق کوالٹی آف لائف ہر فرد کا حق ہے۔ فضائی آلودگی پھیلانے والوں کے خلاف باقاعدہ کریک ڈاؤن ہوگا۔انسانی زندگیوں کے ساتھ کھیلنے والوں سے کوئی سمجھوتہ نہیں ہو گا۔اجلاس میں بھارت کے ساتھ کراس باڈر ون ٹو ون ایگریمنٹ سائن کرنے پر بھی اتفاق راۓ کیا گیا۔صوبائی وزیر نے وزیراعلیٰ کے ماحول دوست ویژن کے تحت دھان کی فصل جلنے کی بجاۓ کرش مشینوں سے کرش کیے جانے کے عمل کی سخت مانیٹرنگ کا میکانزم لانے کی ہدایت بھی دی۔ مریم اورنگ زیب نے کہا کہ وزیراعلی پنجاب کے حکم پرانسدادسموگ سے متعلق آگاہی مہم کے لیے نئی ایپ متعارف کروائی جائیگی۔انھوں نے طالبعلموں کو انوائرمنٹ ایمبسڈرزبنا نے کے لیے تمام تعلیمی اداروں میں انوائرمنٹ کلامیٹ چینج کونسل بنانے کی ہدایت بھی دی ۔ سینئر منسٹر پنجاب نے کہا کہ آئیندہ 6 جون کو وزیراعلیٰ کے حکم پر پلاسٹک بیگز ختم کردیے جائیں گے۔مریم اورنگزیب نے کہا کہ انڈسٹری کو انٹرنیشنل انوائرمنٹل سٹینڈرڈز پر عمل پیراہونے پر وزیراعلی گرین آفس ایوارڈز سے نوازا جاۓ گا۔ اجلاس میں محکمہ کو ہسپتال ویسٹ کی تلفی و مینجمنٹ کے لیے مستقل بنیادوں پر حکمت عملی پر عملدرآمد کروانے کا ٹاسک دیا گیا۔
