اسلام آباد،05 مارچ(اے پی پی): محکمہ موسمیات کے مطابق آئندہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ بالائی علاقوں میں شدید سرد رہے گا۔
تاہم شام/رات میں شمال مغربی/جنوبی بلوچستان بالائی خیبر پختونخوا ، گلگت بلتستان، کشمیر اور ملحقہ پہاڑی علاقوں میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔
گزشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ بالائی علاقوں میں شدید سرد رہا۔
آج کم سے کم درجہ حرارت: کالام منفی 13، استور منفی06، اسکردو،قلات منفی 04،دیر،مالم جبہ،چترال،مری اورمیر کھانی میں منفی 03سینٹی گریڈ ریکارڈ کیا گیا۔
