اسلام آباد،08 مارچ (اے پی پی): محکمہ موسمیات کے مطابق آئندہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ شمالی علاقوں میں شدید سردرہے گا۔ تاہم شام/رات میں بلوچستان کے جنوبی اضلاع میں تیز ہواؤں اور گرج چمک کے ساتھ بارش کا امکان ہے۔
گزشتہ 24 گھنٹوں کے دوران ملک کے بیشتر علاقوں میں موسم سرد اور مطلع جزوی ابر آلود جبکہ شمالی علاقوں میں شدید سردرہا ۔تاہم کشمیر، بالائی خیبر پختونخوا اورگلگت بلتستان میں چند مقا مات پر گرج چمک کے ساتھ بارش اور پہاڑوں پر برفباری ہوئی۔
آج کم سے کم درجہ حرارت کالام منفی 10، لہہ منفی09 ، گوپس منفی 04،استور، ہنزہ اور مالم جبہ میں منفی 02ڈگری سینٹی گریڈ ریکارڈ کیا گیا۔
