لاہور،22 مارچ(اے پی پی):چیئرمین پاکستان کرکٹ بورڈ محسن نقوی نے نیوزی لینڈ کرکٹ ٹیم کا دورہ پاکستان کے تربیتی و فٹنس کیمپ کے لئے کھلاڑیوں کا انتخاب کی غرض سے پی سی بی حکام سے تفصیلی مشاورت کی۔
پاکستان کرکٹ بورڈ کے ہیڈ آفس میں کیمپ کے لئے کھلاڑیوں کے ناموں پر غور کیا گیا۔ چئیرمین پی سی بی نے میرٹ اور کارکردگی پر کھلاڑیوں کا انتخاب کرنے کی ہدایات دیں اور کہا کہ پی ایس ایل 9 میں بہترین کارکردگی کا مظاہرہ کرتے والے کھلاڑیوں کو کیمپ میں شامل کیا جائے اور میرے سمیت کسی کی سفارش نا مانی جائے۔
چیف سلیکٹر وہاب ریاض نے پی ایس ایل 9 میں اچھی کارکردگی دکھانے والے بلے بازوں اور باؤلرز کے بارے رپورٹ پیش کی۔
چیف آپریٹنگ آفیسر پی سی بی سلمان نصیر، ڈائریکٹر انٹرنیشنل کرکٹ اور متعلقہ حکام نے بھی اجلاس میں شرکت کی۔
