لاہور،5مارچ( اے پی پی ):وزیراعلیٰ پنجاب مریم نوازشریف کی زیر صدارت پنجاب میں ”اپنی چھت،اپنا گھر“ پراجیکٹ کے سلسلے میں خصوصی اجلاس کا انعقاد کیا گیا ۔وزیراعلیٰ نے ایک لاکھ گھروں کی تعمیر کے اعلان کو عملی جامہ پہنانے کیلئے جامع پلان طلب کرلیا۔
پنجاب کے ہر ضلع میں کم آمدن لوگوں کے لئے 3ہزارسے زائد گھر بنائے جائیں گے۔وزیراعلی مریم نواز شریف نے 6ہفتوں میں ماڈل گھر تیار کرنے کی ہدایت کر دی اور کہا کہ گھروں کی ڈاؤن پے منٹ اور ماہانہ قسط کم سے کم رکھی جائے پنجاب میں کم آمدن والے بے گھر افراد کو بنے بنائے گھر دیئے جائیں گے۔ انہوں نے کہا کہ غریب کیلئے چھت مہیا کرنا ہمار امنشور ہے،وعدہ ضرور پورا کریں گے۔بنے بنائے گھروں کی تعمیر میں تعمیراتی معیار اورپائیدار ی کو ملحوظ خاطر رکھا جائے۔کم آمدنی والوں لوگوں کے لئے گھر شہروں کے قریب ہوں تاکہ آمدورفت میں آسانی ہو گی۔سابق سینیٹر پرویز رشید،ارکان اسمبلی عظمی بخاری، چیف سیکرٹری،ایس ایم بی آر،چیئرمین پی اینڈ ڈی،سیکرٹری ہاؤسنگ،سیکرٹری فنانس،کمشنر لاہوراوردیگر حکام بھی موجود تھے۔
