لاہور14مارچ:( اے پی پی ) وزیر اعلیٰ مریم نواز شریف کی زیر صدارت خصوصی اجلاس، روڈز کی تعمیر کے پراجیکٹ پر بریفنگ لی۔
وزیر اعلیٰ مریم نواز شریف نے پنجاب کی بڑی رابطہ سڑکوں کی تعمیر ومرمت کے لئے چھ ماہ کی ڈیڈ لائن مقرر کر دی اور کہا کہ پبلک پرائیویٹ پارنٹر شپ موڑ میں پانچ ایکسپریس ویز کی تعمیر کا پراجیکٹ جلد شروع کیا جائے ۔
پنجاب میں انتہائی خطرناک اور بوسیدہ حالت 10پلوں کی تعمیر و مرمت شروع کی گئی ہے ۔انہوں نے کہا کہ سڑکوں کی تعمیر ومرمت اور بحالی پراجیکٹ میں کوالٹی کو ضرور ملحوظ خاطر رکھا جائے۔سینئر صوبائی وزیر مریم اورنگزیب، صوبائی مشیر پرویز رشید، صوبائی وزیر تعمیرات و مواصلات صہیب احمد بھرت،ارکان صوبائی اسمبلی ثانیہ عاشق،چیف سیکرٹری، سیکرٹری فنانس، سیکرٹری تعمیرات ومواصلات اور دیگر متعلقہ حکام نے شرکت کی۔
