اسلام آباد،21مارچ(اے پی پی):وفاقی وزیر تجارت جام کمال خان سے پاکستان میں تعینات برطانوی ہائی کمشنر جین میریٹ نے جمعرات کو یہاں ملاقات کی ۔ ملاقات میں پاکستان اور برطانیہ کے درمیان مضبوط تجارتی تعلقات کو تقویت دینے کا جائزہ لیا گیا۔وفاقی وزیر جام کمال خان نے تجارت میں نمایاں پیش رفت پر زور دیتے ہوئے دونوں ممالک کے درمیان گہرے سیاسی اور تاریخی تعلقات پر زور دیا۔انہوں نے ترقی پذیر ممالک کی تجارتی سکیم (ڈی سی ٹی ایس ) کی تعریف کی، جو جون 2023 میں شروع کی گئی تھی۔ وفاقی وزیر تجارت جام کمال خان نے پاکستان،برطانیہ تجارتی مذاکرات کے آغاز پر روشنی ڈالی۔ مذاکرات کا مقصد تجارت اور سرمایہ کاری کے تعلقات کو مضبوط بنانا ہے۔
ملاقات میں برطانوی ہائی کمشنر جین میریٹ نے دو طرفہ تجارت پر روشنی ڈالی۔ جس میں پاکستان کی برآمدات میں مسلسل اضافہ دیکھنے میں آرہا ہے۔
