وزیر دفاع خواجہ محمد آصف سے قزاخستان کے سفیریرزان کستافین کی ملاقات ،باہمی دلچسپی کے امور پر تبادلہ خیال

0

راولپنڈی ،2اپریل (اے پی پی):وزیر دفاع خواجہ محمد آصف سے قزاخستان  کے سفیریرزان کستافین نے  منگل کو یہاں  ملاقات کی جس میں باہمی دلچسپی کے امور پر تبادلہ خیال کیا گیا ۔

 وزیر دفاع نے کہا کہ پاکستان قزاخستان  کے ساتھ قریبی دوستانہ تعلقات کو قدر کی نگاہ سے دیکھتا ہے جو دونوں ممالک کو ایک دوسرے کے مزید قریب لانے کے لیے باہمی خیر سگالی اور افہام و تفہیم پر مبنی ہیں۔انہوں نے اس بات پر روشنی ڈالی کہ قزاخستان  اپنے جغرافیائی محل وقوع اور وسیع وسائل کی وجہ سے وسطی ایشیا کی ایک اہم ریاست ہے اور بین الاقوامی سطح پر بھی ایک اہم کردار ادا کرنے والا ملک ہے۔

معزز مہمان نے تعاون کے موجودہ دائرہ کاراور پیمانے کوتسلیم کرتے ہوئے دفاع کے شعبے میں وسعت اور مزید تعاون کی خواہش کا اعادہ کیا۔