حب،15 اپریل(اے پی پی):پرنسز آف ہوپ کےمقام پر بارشوں سے متاثرہ گوادر سے کراچی ساحلی شاہراہ کو ٹریفک کیلئے بحال کردیا گیا ہے۔
ایڈیشنل ڈپٹی کمشنرجنرل لسبیلہ سیدیاسین نے اختر اے پی پی سے گفتگو کرتے ہوئے کہا کہ ضلعی انتظامیہ لسبیلہ اور این ایچ اے حکام کی بارشوں سے متاثرہ مواصلاتی رابطے بحالی سرگرمیاں کامیاب ہو گئی ہیں، پرنسز آف ہوپ کےمقام پر گوادر سے کراچی ساحلی شاہراہ کو ٹریفک کیلئے مکمل طور پر بحال کردیا گیا ہے۔انہوں نے کہا کہ گوادر ساحلی شاہراہ کا مواصلاتی رابطہ لسبیلہ کے ایریا میں بحال ہو چکا ہے، گزشتہ رات سیلابی ریلے اور غیر معمولی بارشوں سے گوادر ساحلی شاہراہ کا مواصلاتی رابطہ ملک بھر سے کٹ گیا تھا۔
ایڈیشنل ڈپٹی کمشنرجنرل سیدیاسین نے کہا کہ لسبیلہ ڈسٹرکٹ ایڈمنسٹریشن کسی بھی ہنگامی صورتحال سے نمٹنے کیلئے ہمہ وقت تیار ہے، متعلقہ تمام محکمے اور مشینریاں الرٹ رکھی گئی ہیں جبکہ ضلع لسبیلہ کے مضافاتی علاقوں میں جاری بارشوں کی صورتحال کو مانیٹرکیا جارہا ہے۔
ایڈیشنل ڈپٹی کمشنر جنرل لسبیلہ سید یاسین اختر نے مزید کہا کہ عوام الناس سے اپیل ہے کہ کسی بھی ایمرجنسی کی صورتحال میں کنٹرول روم کے ٹیلی فون نمبر 610251 0853
پر اطلاح دیں، ضلع لسبیلہ موسمی حالات کو مدنظر رکھتے گوادر کراچی روٹ پر مسافر غیر ضروری سفر سے گریز کریں اور عوام الناس کسی بھی جانی مالی نقصان سے بچنے کیلئے محتاط رہیں۔
