لاہور 23،اپریل ( اے پی پی ): صوبائی وزیر صحت خواجہ سلمان رفیق کی زیر صدارت فاطمہ جناح میڈیکل یونیورسٹی کا 36 واں سینڈیکیٹ اجلاس منعقد ہوا۔ فاطمہ جناح میڈیکل یونیورسٹی کے 35 ویں اجلاس کے فیصلوں کی توثیق کرتے ہوئےصوبائی وزیر صحت خواجہ سلمان رفیق نےکہا کہ سرکاری ٹیچنگ ہسپتالوں کی لیبز کو بہتر بنانے کی کوشش کریں گے۔ پنجاب کی طبی درسگاہوں میں ریسرچ کو پروان چڑھایا جائے گا اور وزیر اعلیٰ پنجاب مریم نواز شریف کے ویژن کے مطابق عوامی خدمت اور سرکاری ہسپتالوں کے حالات بہتر بنانے کی پوری کوشش کریں گے۔ سینڈیکیٹ اجلاس کے دوران پروفیسر ڈاکٹر کامران خالد خواجہ کو بہترین استاد اور پروفیسر ڈاکٹر بلقیس شبیر کو صدارتی ایوارڈ کے اعزاز پر خراج تحسین پیش کیا گیااور زیر تعمیر مدر اینڈ چائلڈ بلاک کیلئے بائیو میڈیکل سامان کی خریداری کی منظوری بھی دے دی گئی۔سینڈیکیٹ اجلاس کے دوران فاطمہ جناح میڈیکل یونیورسٹی کو اگلے ایک سال کیلئے صفائی ستھرائی اور سیکورٹی خدمات لینے کی منظوری دے دی گئی۔سینڈیکیٹ اجلاس کے دوران فاطمہ جناح میڈیکل یونیورسٹی کو ٹیکس کنسلٹنٹ کی خدمات لینے کی منظوری دے دی اور فاطمہ جناح میڈیکل یونیورسٹی کو ڈپٹی ڈائریکٹر رجسٹرار اکیڈمکس جبکہ اسسٹنٹ رجسٹرار لیگل کی خدمات لینے کی منظوری اورگورنمنٹ مزنگ ٹیچنگ ہسپتال کو اگلے ایک سال کیلئے جینیٹوریل اور سیکیورٹی خدمات لینے کی منظوری اور گورنمنٹ شاہدرہ ٹیچنگ ہسپتال کو ایچ ویک سسٹم کو مرمت کروانے کیلئے ٹینڈر دینے کی منظوری دے دی گئی۔
