لاہور، 30 اپریل(اے پی پی): صوبائی وزیر صنعت و تجارت چوہدری شافع حسین کا پنجاب ماڈل بازار اور مینجمنٹ کمپنی کے ہیڈآفس کا دورہ اور مختلف شعبوں اور مانیٹرنگ روم کا معائنہ کیا۔اس موقع پر سی ای او ماڈل بازار شاہد قادر اور کمپنی کے حکام کی ماڈل بازاروں کے حوالے سے بریفنگ دی گئی ۔
صوبائی وزیر صنعت و تجارت چوہدری شافع حسین نے کہا کہ پنجاب کے 25اضلاع میں 36 ماڈل بازار قائم ہیں جن میں ماڈل بازاروں میں معیاری اشیاء ضروریہ عام مارکیٹ سے 25فیصد کم نرخوں پر مل رہی ہیں جبکہ ماڈل بازاروں میں بزرگ شہریوں کی سہولت سینئر سیٹزن کیمپ بنائے گئے ہیں۔ انہوں نے کہا کہ ان ماڈل بازاروں سے 60 ہزار خاندانوں کا روزگار وابستہ ہے جس سے ہرسال تقریباً6کروڑ افراد ماڈل بازاروں سے فائدہ اٹھاتے ہیں۔
صوبائی وزیر صنعت و تجارت چوہدری شافع حسین کا مزید کہنا تھا کہ عوام کی سہولت کیلئے ہر ضلع میں ماڈل بازار بنائیں گے اور عوام کو ماڈل بازاروں سے بھرپور آگاہی دی جائے تاکہ زیادہ سے زیادہ لوگ فائدہ اٹھا سکیں۔
صوبائی وزیر کی وزیر آباد میں ماڈل بازار کے قیام کے معاملے کے حل کیلئے ڈی سی گوجرانوالہ کو فون پرہدایات
دیں ۔انہوں نے ماڈل بازاروں کو سولر انرجی پر منتقل کرنے کاپلان طلب کر لیا جن 15اضلاع میں ماڈل بازار نہیں ہیں وہاں ان بازاروں کے قیام کے لئے تجاویز بھی طلب کرتے ہوئے کہا کہ عوام کی خدمت ہمارا مشن، ریلف کی فراہمی کے لئے ہر ضروری اقدام کریں گے۔
صوبائی وزیر کوبریفنگ دیتے ہوئے بتایا گیا کہ ماڈل بازار پورا سال کھلے رہتے ہیں اور کیمروں کے ذریعے ان کی مانیٹرنگ کی جارہی ہے۔
اجلاس میں پنجاب ماڈل بازار مینجمنٹ کمپنی اور محکمہ صنعت و تجارت کے افسران کی شرکت کی ۔
