لاہور 15، اپریل ( اے پی پی ) وزیر اعلیٰ مریم نواز شریف اور قائد محمد نواز شریف کی زیر صدارت خصوصی اجلاس ہوا ۔اجلاس میں مری کے مسائل، ضروریات اور ڈویلپمنٹ پراجیکٹس پر بریفننگ دی گی ۔اجلاس میں مری کی ڈویلپمنٹ کے لئے جامع پلان طلب کر لیا گیا مری اور دیگر سیاحتی مقامات پر پلاسٹک پر پابندی کا حکم ،سٹیٹ آف آرٹ ہسپتال بنانے کےلئے سائٹ کا جائزہ لیا گیا ۔اجلاس میں مری میں انٹری گاڑیوں کو پرمٹ کارڈ ایشو کرنے کی تجویز کا جائزہ لیا گیا اور مری کے لئے دریا جہلم سے پانی لانے کے لئے واٹر سپلائی سکیم کی اصولی منظوری بھی دی گئی ،موجودہ واٹر سکیم کی بحالی اور فلٹریشن کا منصوبہ بھی طلب کرلیا گیا۔اجلاس میں مری میں پارکنگ کے لئے کیبل کار اور جدید ٹرام چلانے کے اقدامات کی ہدایت کی گئی اور مری میں گاڑیوں کے داخلے پر پابندی لگانے پر غور کیا گیا۔اجلاس میں نیو مری قائم کرنے کے لیے کوٹلی ستیاں اور دیگر علاقوں میں متبادل سیاحتی مقامات میں ڈویلپمنٹ اور مری میں موٹر وے کی طرز پر صاف ستھرے ٹائلٹ بنانے کا بھی فیصلہ کیا گیا۔مری کے لئےسالڈ ویسٹ مینجمنٹ اتھارٹی اور پارکس اینڈ ہارٹیکلچر قائم کرنے کی منظوری دی گئی ۔مری میں تجاوزات کے خاتمے کا حتمی پلان پیش، منظوری دیدی گئی بس سٹینڈ کو فنکشنل کرنے اور غیر قانونی اڈے بند کرنے کا فیصلہ سڑکوں کو ون وے بنانے اور کشادگی کی منظوری دی گئی۔اجلاس میں مری کی سڑکوں پر گڑھے ختم کرنے اور گلیوں بازاروں کو بحال کیا جائے گا ۔جھیکا گلی چوک کی وسعت کا بھی جائزہ لیا گیا ۔اجلاس سے گفتگو کرتے ہوئے قائد مسلم لیگ ن محمد نواز شریف نے کہا مری کنکریٹ کا جنگل بن چکا ہے۔تعمیراتی معیار مدنظر نہیں رکھا گیا۔ لینڈ سلائڈنگ پوائنٹس پر ہوٹلوں ۔عمارتوں کی تعمیر خطرناک ثابت ہو سکتا ہے۔ انہوں نے کہا کہ ماضی میں پیسے کمانا مقصد رہا،تاریخی عمارتوں کا قدیمی حسن تباہ کر دیا گیا۔سیاحتی مقامات بد انتظامی کی تصویر بنے ہوئے ہیں ،شہباز شریف کو مری میں غیر قانونی عمارتیں ہٹانے پر شاباش دیتا ہوں۔ وزیر اعلیٰ پنجاب مریم نواز شریف نے اس موقع پر کہا کہ بھدے سٹرکچر مری کے قدرتی حسن کو مسخ کررہے ہیں۔ عوام کی زندگی کا تحفظ حکومت کا اولین فرض ہے۔ ایم پی اے بلال ستی،چیف سیکرٹری زاہد اختر زمان، کمشنر عامر خٹک، ڈپٹی کمشنر ظہیر شیرازی ، آر پی او اور دیگر حکام موجود تھےسینئر منسٹر مریم اورنگزیب ، ایم این اے اسامہ اشفاق سرور نے ویڈیو لنک کے ذریعے شرکت کی۔
