قصور،4اپریل (اے پی پی): آئی جی پنجاب ڈاکٹر عثمان انور کی اخوت یونیورسٹی آمد،آئی جی پنجاب نے اخوت فاونڈیشن کے زیر انتظام اخوت یونیورسٹی کی فنڈ ریزنگ تقریب میں شرکت کی اور پنجاب پولیس کی طرف سے اخوت یونیورسٹی کو 10 لاکھ روپے عطیہ کئے۔
اخوت یونیورسٹی کے بانی چیئرمین ڈاکٹر امجد ثاقب نے اخوت یونیورسٹی میں سالانہ فنڈ ریزنگ تقریب کا اہتمام کیا تھا،جس میں سیاسی، سماجی،صحافتی اور مختلف شعبہ ہائے زندگی سے نمایاں شخصیات نے شرکت کی ،مختلف اداروں اور شخصیات نے اخوت یونیورسٹی کے لئے لاکھوں روپے کے عطیات دیئے۔
آئی جی پنجاب عثمان انور ڈاکٹر عثمان انور نے تقریب سے خطاب میں چیئرمین ڈاکٹر امجد ثاقب اور اخوت یونیورسٹی کی خدمات کوسراہا۔انہوں نے اخوت فاونڈیشن کے تحت اداروں کو پنجاب پولیس کی طرف سے بھرپور تعاون کی یقین دہانی کروائی۔
آر پی او شیخوپورہ اطہر اسماعیل، ڈی پی او قصور طارق سندھو، اے ایس پی شہربانو نقوی نے بھی تقریب میں شرکت کی۔
