اسلام آباد،09اپریل(اے پی پی): محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم خشک اور میدانی علاقوں میں گرم رہے گا جبکہ کل بدھ کے روز بالائی علاقوں میں مطلع جزوی ابر آلود رہنے کے علاوہ گلگت بلتستان، خیبر پختونخوا، کشمیر اور خطہ پوٹھوہار میں آندھی چلنے اور گرج چمک کے ساتھ بارش کا امکان ہے۔گذشتہ چوبیس گھنٹوں کے دوران بھی ملک کے بیشتر علاقوں میں موسم خشک جبکہ جنوبی علا قوں میں گرم رہا۔
گزشتہ روز ریکارڈ کیے گئے زیادہ سے زیادہ درجہ حرارت کے مطابق شہید بینظیر آباد میں 44، سکرنڈ 43، پڈعیدن، موہنجوداڑو، لاڑکانہ اور دادو میں42ڈگری سینٹی گریڈ ریکارڈ کیا گیا۔
