اسلام آباد، اپریل 11 (اے پی پی): محکمہ موسمیات کے مطابق آئندہ 24 گھنٹوں کے دوران ملک کے بیشتر علا قوں میں موسم خشک اور بالائی علاقوں میں مطلع جزوی ابر آلود رہے گا۔تاہم خیبر پختونخوا ، شمالی / شمال مشرقی بلوچستان،خطہ پوٹھوہار،گلگت بلتستان ، کشمیر اورملحقہ پہاڑی علاقوں میں چند مقامات پر آندھی چلنے اور گرج چمک کے ساتھ بارش کا امکان ہے۔
گذشتہ 24 گھنٹوں کے دوران ملک کے بیشتر علاقوں میں موسم خشک جبکہ جنوبی علا قوں میں گرم رہا۔ تاہم ،خطہ پوٹھوہار ، شمال مشرقی پنجاب ،بالائی خیبر پختونخوا اور کشمیر میں چند مقامات پر تیز ہواؤں اور گرج چمک کے ساتھ بارش ہوئی۔گزشتہ روز زیادہ سے زیادہ درجہ حرارت , جیکب آباد، دادو43،شہید بینظیر آباد ،پڈعیدن، خانپور، سکھر،روہڑی اور موہنجودہڑو میں42ڈگری سینٹی گریڈ ریکارڈ کیا گیا۔
