اسلام آباد ،04 مارچ (اے پی پی ): وزیر دفاع خواجہ محمد آصف سے برطانوی ہائی کمشنر جین میریٹ نے جمعرات کو یہاں ملاقات کی۔ اس موقع پر وزیر دفاع نے کہا کہ پاکستان برطانیہ کے ساتھ اپنے تعلقات کو بہت اہمیت دیتا ہے اور افغان مفاہمتی عمل میں برطانیہ کی کوششوں کو سراہتا ہے۔
وزیر دفاع نے پاک برطانیہ دفاعی تعاون فورم (DCF) کو وزارت دفاع کی سطح پر برقرار رکھنے کی خواہش کا اظہار کیا۔
وزیر دفاع خواجہ محمد آصف اور برطانوی ہائی کمشنر نے علاقائی استحکام کے لیے دونوں ممالک کے درمیان جاری تعاون پر اطمینان کا اظہار کیا۔ملاقات میں دونوں ممالک کے درمیان دفاعی اور سیکورٹی تعلقات کو وسعت دینے کی ضرورت پر زور دیا۔
