اسلام آباد، یکم اپریل (اے پی پی ): وفاقی وزیر تجارت جام سے جاپان کے سفیر واڈا مٹسوہیرو نے پیر کو یہاں ملاقات کی ، جس دوران جاپان اور پاکستان کے درمیان تجارتی تعلقات اور باہمی اعتماد کو مضبوط بنانے کے طریقوں پر تبادلہ خیال کیا گیا۔
ملاقات کے دوران سفیر نے وزیر جام کمال خان کو ان کے حالیہ پورٹ فولیو پر مبارکباد دیتے ہوئے دوطرفہ تعلقات کو بڑھانے کے عزم کا اظہار کیا گیا۔ جاپانی سفیر نے پاکستانی کاروباری اداروں کو ورلڈ ایکسپو 2025 میں شرکت کی دعوت دی، ورلڈ ایکسپو 2025 میں اوساکا جاپان میں ہونے والی ہے۔
ملاقات میں پاکستان میں جاپانی کاروباری برادری کو درآمدات میں درپیش چیلنجز کو سفیر سامنے لائے۔جس پر جام کمال خان نے مقامی اور بین الاقوامی تاجروں کے لیے کاروبار کرنے میں آسانی پیدا کرنے کے لیے حکومتی تعاون کی یقین دہانی کرائی۔
اس موقع پر وزیر جام کمال خان نے کہا کہ وزارت تجارت نے جامع پانچ سالہ جامعہ منصوبہ بنایا ہے جس کا مقصد مقامی اور غیر ملکی سرمایہ کاروں کو راغب کرنا ہے۔
دونوں معززین نے متوازن تجارتی ماحول اور پاکستان اور جاپان کے درمیان دیرینہ دوطرفہ تعلقات کو مضبوط بنانے کے عزم کا اعادہ کیا اور تجارتی حجم کو بڑھانے کے لیے کام کرنے پر بھی اتفاق کیا، جو کہ 2022-23 میں 1.26 بلین امریکی ڈالر تھا۔
