اسلام آباد ، اپریل 05 (اے پی پی): وفاقی وزیر تجارت جام کمال خان نے جمعہ کو یہاں نیشنل پریس کلب میں رمضان فیملی فیسٹول و سپورٹس گالا میں شرکت کی، جہاں انہوں نے صحافیوں اور ان کے اہل خانہ سے ملاقات کی، اور ان میں عید کے تحائف تقسیم کیے۔
اس موقع پر وفاقی وزیر نے صحافتی کوششوں کے لیے سازگار ماحول کو فروغ دینے میں پریس کلبوں کی اہمیت پر روشنی ڈالی اور جمہوری عمل میں پریس کی اہمیت کو اجاگر کیا۔
وفاقی وزیر جام کمال خان نے پریس کلب کی کاوشوں کو سراہا اور اس کے ممبران کی طرف سے پروان چڑھائے گئے خوشگوار ماحول کی تعریف کی اور صحافیوں کی حمایت کے لیے اپنے عزم کا اظہار کرتے ہوئے یقین دہانی کی کہ ان کا دفتر ہر سطح پر سہولت کو یقینی بناتے ہوئے ان کے لیے ہمیشہ قابل رسائی رہے گا۔
اس سے قبل وفاقی وزیر کے نیشنل پریس کلب پہنچنے پر پریس کلب کے صدر اظہر جتوئی، سیکرٹری نیئر علی اور دیگر سینئر صحافیوں نے ان کا استقبال کیا۔
