اسلام آباد ،9 اپریل( اے پی پی): پیپلز پارٹی کے رہنما اور سابق وزیراعظم یوسف رضاگیلانی بلا مقابلہ چیئرمین سینیٹ جبکہ مسلم لیگ (ن) کے سردار سیدال خان ناصر بلا مقابلہ ڈپٹی چیئرمین سینیٹ منتخب ہوگئے ہیں۔
سینیٹ اجلاس میں وزیر خارجہ اسحاق ڈارنے پریزائیڈنگ افسر کی ذمہ داریاں انجام دیں۔اسحاق ڈار نے بطور پریزائیڈنگ افسر نو منتخب سینیٹرز سے حلف لیا جس کے بعد ارکان نے رول آف ممبرز پر دستخط کیے۔آزاد حیثیت میں سینیٹر منتخب ہونے والے فیصل وواڈا اور جے یو آئی کے مولانا عبدالواسع نےسینیٹ کی رکنیت کا حلف نہیں اٹھایا۔
پیپلز پارٹی کے 18، ن لیگ کے 14 اور جے یو آئی ف کے 3 نومنتخب سینٹرز نے حلف اٹھایا، وفاقی وزیر داخلہ محسن نقوی نے بطور آزاد سینٹر حلف اٹھایا ۔
