اسلام آباد، 08 مئی(اے پی پی):وفاقی وزیر منصوبہ بندی احسن اقبال اور وزیر اعظم کے معاون خصوصی برائے امور خارجہ طارق فاطمی کی بدھ کے روز بیجنگ ایئرپورٹ آمدپر پاکستانی سفیر خلیل ہاشمی اور چینی حکام نے ان کا استقبال کیا۔
چین پہنچنے کے بعد بیجنگ ایئرپورٹ سے اپنے خصوصی پیغام میں احسن اقبال کا کہنا تھا کہ چین پاکستان کا تاریخی دوست ہے، جس نے مشکل وقت میں ہمارا ساتھ دیا۔انہوں نے کہا کہ سی پیک کے پہلے مرحلے کے تحت 25 ارب ڈالر کے منصوبے پاکستان میں زیر تکمیل ہیں، پہلے مرحلے میں توانائی اور انفراسٹرکچر کے شعبے کو اپ گریڈ کیا گیا جبکہ دوسرے مرحلے میں زراعت،صنعت، گرین توانائی اور ٹیکنالوجی کے شعبے کو فروغ دیا جائے گا-
ان کا کہنا تھا کہ اس دورے سے تیرہویں جوائنٹ کوآپریش کمیٹی میٹنگ کا ایجنڈا مرتب کرنے میں مدد ملے گی۔
