لاہور،27مئی( اے پی پی ) وزیراعلیٰ پنجاب مریم نواز شریف کی زیر صدارت سپیشل اکنامک زونز کے امور سے متعلق اجلاس ہوا۔اجلاس میںسپیشل اکنامک زون میں دستیاب کاروباری سہولیات کا جائزہ لیا گیا۔ وزیر اعلیٰ مریم نوازنےپنجاب میں انڈسٹری کے فروغ کے اہداف کی حصول میں ناکامی پر اظہار برہمی کیا اہداف پورا کرنے میں ناکامی اورناقص کارکردگی پر انڈسٹریل سیٹس کے سربراہ اور بورڈز تبدیل کرنے کا حکم دیا۔
اجلاس سے گفتگو کرتے ہوئے مریم نواز شریف نے کہا کہ انڈسٹریل سٹیس کے سربراہ اور ٹیم کا پرفامنس آڈٹ کرایا جائے گا ۔ انڈسٹری کو سہولتیں دے کر ماضی کی کوتاہیوں کا ازالہ کریں گے۔انہوں نے کہا کہ نڈسٹریل سٹیٹ کو انہی مقاصد کے لئے استعمال کیا جائے،جن کے لئے قائم کی گئی ہیں۔ انڈسٹریل اسٹیٹ کو پلگ اینڈ پلے ماڈل پر قائم کرنا چاہتے ہیں۔انڈسٹری کے قیام کے طریقہ کار کو آسان اور تیز ترین بنا یا جائے گا ۔
سینیٹر پرویز رشید، سینئر صوبائی وزیر مریم اورنگزیب، صوبائی وزیر اطلاعات عظمیٰ زاہد بخاری،ایم پی اے ثانیہ عاشق،چیف سیکرٹری زاہد اختر زمان، سیکرٹری خزانہ مجاہد شیر دل، سیکرٹری انڈسٹری احسان بھٹہ اور دیگر حکام نے اجلاس میں شرکت کی۔
