ساہیوال، 16 مئی (اے پی پی):ایڈیشنل ڈسٹرکٹ اینڈ سیشن جج ساہیوال محمد فرخ حمید نے سنٹرل جیل ساہیوال کا دورہ کیا جہاں سپرنٹنڈنٹ جیل ساجد بیگ نے ان کا استقبال کیا۔
مجسٹریٹ فرسٹ کلاس راؤ محمد زبیر صابر بھی ان کے ہمراہ تھے۔ انہوں نے خواتین وارڈ، جیل ہسپتال، نوعمر وارڈ اور اسیران کی دیگر بارکس کا دورہ کیا اور جیل انتظامیہ کی جانب سے کئے گئے انتظامات کا جائزہ لیا۔ انہوں نے کچن میں کھانے کے معیار کو بھی چیک کیا۔ اس موقع پر ایڈیشنل ڈسٹرکٹ اینڈ سیشن جج ساہیوال محمد فرخ حمید نے معمولی جرائم میں ملوث24اسیران کی فوری رہائی کا حکم جاری کیا اور دیگر اسیران کے عدالتوں سے متعلقہ مسائل سنے اور ان کو موقع پر حل کرنے کے احکامات جاری کئے۔
