اسلام آباد،16 مئی(اے پی پی):محکمہ موسمیات کے مطابق جمعرات کے روز ملک کےبیشتر علاقوں میں موسم گرم اور خشک جبکہ وسطی اورجنوبی علاقوں میں شدید گرم رہے گا۔ تاہم شام /رات میں شمال مغربی بلوچستان اور بالائی خیبر پختونخوا میں مطلع جزوی ابر آلود رہنے کے علاوہ چند مقامات پر تیز ہوائیں/جھکڑ چلنے اور گرج چمک کے ساتھ بارش کا امکان ہے۔
گزشتہ چوبیس گھنٹوں کے دوران ملک کےبیشترعلاقوں میں موسم گرم اورخشک جبکہ جنوبی/وسطی علاقوں میں شدید گرم رہا تاہم شمالی بلوچستان میں چند مقامات پرتیز ہواؤں اور گرج چمک کے ساتھ بارش ہوئی۔ سب سے زیادہ بارش قلات میں 03 ملی میٹربارش ریکارڈ ہوئی۔
گزشتہ روز ریکارڈ کیے گئے زیادہ سے زیادہ درجہ حرارت کے مطابق دادو میں 49، جیکب آباد 47، سکھر، روہڑی، موہنجو داڑو، پڈعیدن، شہید بینظیر آباد، لاڑکانہ اور ڈی جی خان میں 46ڈگری سینٹی ریکارڈ کیا گیا۔