اسلام آباد،19مئی(اے پی پی):ترکیہ کے وزیر خارجہ ہاکان فیدان پاکستان کے دو روزہ سرکاری دورے پر اتوار کو اسلام آباد پہنچ گئے۔ ایڈیشنل سیکرٹری خارجہ برائے ( افعانستان اور مغربی ایشیاء) سفیر احمد نسیم وڑائچ نے ترک وزیر خارجہ کا ایئرپورٹ پر پرتپاک استقبال کیا۔
دورے کے دوران وزیر خارجہ ہاکان فیدان وزیر اعظم محمد شہباز شریف سے ملاقات کریں گے اور نائب وزیر اعظم و وزیر خارجہ سینیٹر محمد اسحاق ڈار سے تفصیلی بات چیت کریں گے۔دونوں ممالک کے درمیان دوطرفہ تعلقات کی صورتحال کا جائزہ لیں گے اور دونوں ممالک کے درمیان آئندہ اعلیٰ سطحی ملاقاتوں کی تیاریوں کا جائزہ لیں گے۔
