خیرپور۔24مئی (اے پی پی)شاہ عبداللطیف یونیورسٹی کے اسٹوڈنٹس سوسائٹیز سنٹر نے الخدمت فائونڈیشن کے تعاون سے جاری گرمی کی لہر سے نمٹنے کے لیے ہیٹ اسٹروک کیمپ کا انعقاد کیاگیا، اس کیمپ کا افتتاح اکیڈمک ہائر ایجوکیشن کمیشن (ایچ ای سی) کے کنسلٹنٹ ڈاکٹر ارشد بشیر، ایچ ای سی کے کنسلٹنٹ ڈاکٹر عطا الرحمان، فیکلٹی آف سوشل سائنسز کے ڈین ڈاکٹر امیر کھوڑو، شعبہ اردو کے چیئرمین ڈاکٹر طارق بن عمر، الخدمت فاونڈیشن کے صدر شعیب اقبال شاہین اور اسٹوڈنٹس سوسائٹیز سنٹر کے انچارج ڈاکٹر علی رضا لاشاری نے کیا۔
ایچ ای سی کے نمائندے اور شاہ عبداللطیف یونیورسٹی کے نمائندوں نے کہا کہ گرمی کی موجودہ لہر کے دوران ہیٹ اسٹروک کیمپ کے قیام میں اسٹوڈنٹس سوسائٹیز سنٹر اور الخدمت فاونڈیشن کی مشترکہ کاوشوں کو سراہا۔ ڈاکٹر علی رضا لاشاری نے تمام مہمانوں اور مخیر ادارے کے تعاون اور اسٹوڈنٹس سوسائیٹیز کے رضاکاروں کی کوششوں کا شکریہ ادا کیا اس کیمپ سے تقریباً 5000 طلباء، ملازمین، افسران اور پیدل چلنے والے مستفید ہوئے ہیٹ اسٹروک کی کسی بھی ہنگامی صورتحال سے نمٹنے کے لیے ایمبولینس سروس بھی موجود تھی۔
