اسلام آباد،25مئی(اے پی پی):رواں ہفتے ملک کےبیشتر میدانی علاقے شدید گرمی کی لہرکی لپیٹ میں رہیں گے تاہم ہفتہ کے روز ملک کے میدانی علاقوں میں بعداز دوپہر گرد آلود ہوائیں /جھکڑ چلنے کا امکان ہے جبکہ بالائی خیبر پختونخوا ، گلگت بلتستان اور کشمیر میں مطلع جزوی ابر آلود رہنے کے علاوہ تیز ہواؤں اورگرج چمک کے ساتھ چند مقامات پر بارش ہو سکتی ہے۔
گزشتہ چوبیس گھنٹوں کے دوران ملک کے بیشترعلاقے شدید گرمی کی لپیٹ میں رہے۔تا ہم بالائی خیبر پختونخوا، کشمیر، شمالی پنجاب اوراسلام آباد میں تیز ہواؤں/آندھی / جھکڑچلنے کے علاوہ چند مقامات پر گرج چمک کے ساتھ بارش ہوئی۔سب سے زیادہ بارش خیبرپختونخوا میں پٹن 07، مالم جبہ 05، دیر (لوئر 04 اور اپر 03)، چترال، کالام 01۔ کشمیر میں کوٹلی 05۔ پنجاب میں راولپنڈی (چکلالہ 03، شمس آباد 01)، سیالکوٹ (شہر 03 اور ایئرپورٹ 01)، گجرات، نارووال 03،مری، ٹوبہ ٹیک سنگھ 02، فیصل آباد میں01 جبکہ اسلام آباد میں (ایئرپورٹ 02، بوکرا 01) ملی میٹر بارش ریکارڈ کی گئی۔
گزشتہ روز ریکارڈ کیے گئے زیادہ سے زیادہ درجہ حرارت کے مطابق موہنجو داڑو 51، خیرپور ،جیکب آباد50، روہڑی ، لاڑکانہ، سکھر ،دادو ، 49، خان پور ، رحیم یار خان، پڈعیدن ، سبی، ڈی جی خان48،شہید بینظیر آباد،بہاولنگر ، کوٹ ادو،لسبیلہ اورمٹھی 47 ڈگری سینٹی ریکارڈ کیا گیا۔
