سکھر،10مئی (اے پی پی): آئی بی اے یونیورسٹی کی اکیڈمک کونسل کا 13 واں اجلاس یونیورسٹی کے مین کیمپس میں ایڈمنسٹریشن بلاک کے میٹنگ روم میں منعقد ہوا۔ اجلاس کی صدارت وائس چانسلرسکھر آئی بی اے یونیورسٹی، پروفیسر ڈاکٹر آصف احمد شیخ نے کی۔اکیڈمک کونسل کے اجلاس میں پرو وائس چانسلرڈینز، ہیڈ آف دی ڈپارٹمینٹس اور کل اکیڈمک کونسل کے ممبران نے شرکت کی،کونسل نے اکیڈمکس میٹرز کو متفقہ طور پر منظور شدہ قراردادوں کے ساتھ حل کیا۔
اجلاس میں اہم تعلیمی معاملات اور ادارے کے تعلیمی معیار کو مزید بہتر بنانے کے لیے حکمت عملی کے اقدامات پر تبادلہ خیال کیا گیا،اکیڈمک کونسل نے ایجنڈا کے مختلف آئٹمز پر تبادلہ خیال کیا،جن میں نصاب، تحقیقی منصوبوں، داخلہ پالیسی کا جائزہ شامل تھا۔جامعہ میں نصاب کو صنعت کی ضروریات اور ہائر ایجوکیشن کمیشن کے معیارات کے مطابق موجودہ پروگراموں پر نظر ثانی کیا گیا۔
اجلاس میں پروفیسر ڈاکٹر آصف احمد شیخ نے معیاری تعلیم اور تحقیق پر مبنی اقدامات کی اہمیت پر زور دیا۔ انہوں نے یونیورسٹی کی کامیابیوں پر روشنی ڈالی اور سازگار تعلیمی ماحول کو برقرار رکھنے میں فیکلٹی ممبران، عملے اور طلباءکی کوششوں کو سراہا۔
13 ویں اکیڈمک کونسل کا اجلاس سکھر آئی بی اے یونیورسٹی کے تعلیمی معیار کو مزید بہتر کرنے کے مقصد اور عزم کی تجدید کے ساتھ اختتام پذیر ہوا۔
