اسلام آباد، 15 مئی (اے پی پی):وفاقی محتسب اعجاز احمد قریشی نے کہا کہ عوام کو گھر کی دہلیز پر انصاف پہنچا نے کی کوشش کر رہے ہیں۔ میڈیا محتسبین کے پیغام اور مقاصد کو عوام الناس تک پہنچا نے کے لئے اپنا کردار ادا کرے۔
وفاقی محتسب اعجاز احمد قر یشی نے ایشین امبڈ سمین ایسو سی ایشین(اے او اے) کے تحت محتسب کے اداروں کے بارے میں عوامی آ گاہی کے حوا لے سے ایک ویبینار کا افتتا ح کیا۔اے او اے ایشیا ء میں 47 ممبران پر مشتمل محتسبین کی ایک غیر سیاسی اور اس شعبے کے ماہرین پر مشتمل تنظیم ہے، جس کا مستقل سیکرٹیر یٹ، وفاقی محتسب سیکرٹیریٹ اسلام آباد میں واقع ہے۔
وفاقی محتسب اعجازاحمد قریشی جو اے او اے کے موجودہ صدر بھی ہیں، نے ویبینار سے خطاب کر تے ہو ئے کہا کہ وفاقی محتسب کا ادارہ مسلسل اس کوشش میں مصروف ہے کہ عوام الناس کو انتظامی انصاف ان کے گھر کی دہلیز پر پہنچا یا جا سکے۔انہوں نے کہا کہ وسیع تر عوامی آ گا ہی محتسب کے کامیاب اداروں کی کلید ہے۔ انہوں نے کہا کہ دور دراز اور پسماندہ علا قوں کے عوام کی شکایات کے فوری ازالے کے لئے محتسب کے اداروں کے بارے میں ایک بھر پور، توانا اور مر بوط آگاہی مہم چلا ئی جا رہی ہے۔
وفاقی محتسب نے مزید کہا کہ اقوام متحدہ اور دیگر بین الاقوا می اداروں کی جا نب سے تمام رکن مما لک پر زور دیا گیا ہے کہ وہ متعلقہ حصہ داروں (اسٹیک ہو لڈرز) کے تعاون سے محتسب کے اداروں کے بارے میں آگاہی کے لئے قو می سطح پر ایسے اقدا مات اٹھا ئیں جن سے عام آ دمی مستفید ہو سکے۔
سینیٹر مشاہد حسین سید نے ویبینار سے خطاب کر تے ہوئے پیشہ ورانہ نقطہ ء نظر سے عوامی آگاہی میں اضافے کے مختلف طریقوں نیز سرکاری اداروں کی انتظامی زیا دتیوں اور بدانتظامیوں کے شکار عوام کی فوری داد رسی کے حوا لے سے ایک بھر پور اور مفید لیکچر دیا۔ انہوں نے کہا کہ وفاقی محتسب کے مز ید دفا تر کا قیام اور انفارمیشن ٹیکنالو جی کا استعمال عوامی آ گہی میں اضا فے کے لئے بہت مفید ثا بت ہو سکتا ہے۔ انہوں نے میڈیا اور صحافی برادری پر بھی زور دیا کہ وہ محتسبین کے پیغام اور مقا صد کو عام آ دمی تک پہنچانے کے لئے اپنا بھر پور کردار ادا کر ے تا کہ عوام الناس میں اپنے حقوق و فرائض کے با رے میں آ گاہی پیدا کی جا سکے۔
ویبینار میں آذر بائیجان، بینن، چین، ہا نگ کانگ، انڈ ونیشیا، ایران، مراکش، تتارستان، تھا ئی لینڈ اور ترکی کے علاوہ پاکستان کے صوبائی اور وفاقی محتسبین نیز علاقائی دفاتر کے 60 سے زیادہ نما ئندوں نے آن لا ئن شر کت کی۔
