اسلام آباد،17مئی(اے پی پی): محکمہ موسمیات کے مطابق آئندہ چوبیس گھنٹوں کے دوران ملک کےبیشترعلاقوں میں موسم گرم اور خشک جبکہ وسطی اورجنوبی علاقوں میں شدید گرم رہنے کے علاوہ بعد از دوپہرجھکڑ/گرد آلود ہوائیں چلنے کا امکان ہے۔ تاہم شام / رات زیریں خیبر پختونخوا، مغربی/شمالی بلوچستان، جنوبی پنجاب ، اسلام آباد اورکشمیر میں مطلع جزوی ابر آلود رہنے کے علاوہ چند مقامات پر آندھی/جھکڑ چلنے اور گرج چمک کے ساتھ بارش کا امکان ہے۔
گزشتہ چوبیس گھنٹوں کے دوران ملک کے بیشتر علاقوں میں موسم گرم اورخشک جبکہ جنوبی/وسطی علاقوں میں شدید گرم رہا۔ تاہم مغربی بلوچستان میں چند مقا مات پر گرج چمک کےساتھ بارش ہوئی۔ سب سے زیادہ بارش نوکنڈی میں 02 ملی میٹر ریکارڈ ہوئی۔
گزشتہ روز ریکارڈ کیے گئے زیادہ سے زیادہ درجہ حرارت کے مطابق دادو ، جیکب آباد 48، موہنجوداڑو، بہاولنگر ، اوکاڑہ اور سکھر میں 47ڈگری سینٹی ریکارڈ کیا گیا۔
