اسلام آباد،18مئی (اے پی پی):وفاقی وزیرداخلہ محسن نقوی نے اسلام آباد میں تجاوزات کے خلاف بھرپور کریک ڈاؤن کا حکم دیتے ہوئے کہا ہے کہ تجاوزات کے خاتمے کے لئے بلا امتیاز کارروائی کی جائے اور کوئی دبائوقبول نہ کیا جائے۔
وفاقی وزیر داخلہ محسن نقوی نے اسلام آباد انتظامیہ سی ڈی اے اور پولیس کو تجاوزارت کے خلاف مشترکہ آپریشن کا حکم جاری کیا۔ وفاقی وزیر داخلہ کی ہدایت پر چیئرمین سی ڈی اے و چیف کمشنر اسلام آباد محمد علی رندھاوا نے کارروائی کرتے ہوئے اسلام آباد میں تجاوزات کے خلاف آپریشن شروع کر دیا ہے۔آپریشن کے دوران سنگ جانی راجہ گلفراز فارم ہاؤس کی تجاوزات کو مسمار کرنے کے علاوہ ایک فیکٹری سیل کی گئ۔24 کنال رقبہ پر 10 کمرے تعمیر کرکے غیر قانونی طور پر فارم ہائوس بنایا گیا تھا،ڈی سی سی ڈی اے کی قیادت میں اسلام آباد انتظامیہ اور پولیس نے مشترکہ کارروائی کر کے تجاوزات کو گرایا۔
