اسلام آباد، 31 مئی(اے پی پی):وفاقی وزیر برائے تعلیم اور پیشہ ورانہ تربیت، ڈاکٹر خالد مقبول صدیقی نے جمعہ کو اسلام آباد کالج فار گرلز ایف 6/2 کا دورہ کیا اور تزئین و آرائش اور اپگریڈیشن کے کام کی پیش رفت کا جائزہ لیا۔اس موقع پر انہیں جاری کام کے حوالے سے تفصیلی بریفنگ دی گئی۔
اسلام آبادکے 100 ایسے سکولوں اور کالجوں میں تزئین و آرائش کے کام جاری ہیں جن میں نئے آئی ٹی لیبز، لائبریریاں، بہتر واش رومز، ذہنی کھیلوں کے کمرے اور میڈیکل رومز کا اضافہ کیا جا رہا ہے۔
