اسلام آباد،14 مئی (اے پی پی): وفاقی وزیر برائے نجکاری و سرمایہ کاری بورڈ عبدالعلیم خان سے پیپلز پارٹی کے نامزد کردہ پارلیمانی وفد نے منگل کو یہاں ملاقات کی، وفد میں نوید قمر، شیری رحمان اور سلیم مانڈوی والا شامل تھے ۔
اس موقع پر بات کرتے ہوئے وفاقی وزیر نجکاری عبدالعلیم خان کا کہنا تھا کہ خسارے میں چلنے والے منصوبے ملکی معیشت پر بوجھ ہیں، معیشت مستقل بنیادوں پر دیوالیہ منصوبوں کا بوجھ برداشت نہیں کر سکتی۔انہوں نے کہا کہ ہم تمام منصوبوں کی شفاف نجکاری کو یقینی بنا رہے ہیں اس لیے نجکاری کے عمل کو میڈیا کے ذریعے سب کے سامنے رکھیں گے۔
وفاقی وزیر عبدالعلیم خان نے یقین دہانی کروائی کہ کسی بھی اور سیاسی جماعت کو نجکاری کے عمل سے متعلق آگاہی جائیے ہو تو خوش آمدید کہیں گے اس کے علاوہ پارلیمنٹ کے اراکین کے خدشات دور کرنے اور سوالات کے جوابات کے لیے تیار ہیں۔ ان کا کہنا تھا کہ نجکاری پر پیپلز پارٹی کی طرح دیگر سیاسی جماعتوں سے بھی آگاہی سیشن بھی ہو سکتے ہیں۔
